Ապր 23 2009

Իրազեկել է ռուսական հետախուզությունը

Տպել այս հոդվածը Տպել այս հոդվածը

«Թրքիշ Նյու Յորք», 15 ապրիլի, 2009թ.
Աղբյուրը՝ turkishny.com

Թուրք-ադրբեջանական հարաբերությունները փչացրել է Ռուսաստանը:

Ադրբեջանական «Ենի Մուսաֆաթ» թերթի վկայությամբ` Թուրքիա-Հայաստան համաձայնագրի մասին Իլհամ Ալիեւին իրազեկել է ռուսական հետախուզությունը:

Թերթը պնդում է, որ Թուրքիայի եւ Հայաստանի միջեւ երկու տարուց ի վեր ծավալվող հանդիպումների մանրամասներն ու մշակված համաձայնագրի տեքստն Ադրբեջանի նախագահ Իլհամ Ալիեւին է մատուցել Ռուսաստանի արտաքին հետախուզության ծառայությունը:

Ադրբեջանի «Ենի Մուսաֆաթ» թերթի այսօրվա համարում հրապարակված տեղեկության համաձայն` Մոսկվայի վարչակարգն ուշադիր հետեւել է Շվեյցարիայում ծավալվող ¥հայ-թուրքական¤ հանդիպումների ընթացքին, ի մի է բերել հավաքած տեղեկությունները եւ դրանց շնորհիվ կարողացել է հավասարակշռությունից հանել Իլհամ Ալիեւին, որն ամեն կերպ ջանում էր վերին աստիճանի զգոն քաղաքականություն վարել Թուրքիայի նկատմամբ:

Մոսկովյան վարչակարգը, որը չի ցանկանում կորցնել իր ազդեցությունը Հարավային Կովկասում, չվստահելով տարածաշրջանում իր միակ դաշնակցի՝ Հայաստանի տրամադրած տեղեկություններին, կարգադրեց արտաքին հետախուզության ծառայությանը «հետեւել հայ-թուրքական հանդիպումներին»:

Այսպիսով, ռուսական հետախուզության աշխատակիցները սկսեցին գաղտնալսել հայ եւ թուրք դիվանագետների հանդիպումները, եւ երբ կողմերը հասան երկխոսության եզրափակիչ փուլ, իսկույն գաղտնալսումների միջոցով ձեռք բերված տվյալները հաղորդեցին Կրեմլին:

Բաքվի վարչակարգը, որ երկխոսության գործընթացի սկզբնավորումից ի վեր վստահում էր Թուրքիայի համապատասխան կառույցներից ստացած տեղեկություններին, ուսումնասիրելով Մոսկվայի տրամադրած «Ժնեւյան թղթապանակը», սկսեց նախքան Ղարաբաղի հարցի կարգավորումը Հայաստանի հետ սահմանները բացելու պատրաստակամություն դրսեւորող Անկարայի ընդառաջ քայլերը «կանգնեցնել»:

Ադրբեջանի վարչակարգի այս կոշտ դիրքորոշումը նախ արտահայտեց Անկարա գործուղված փոխարտգործնախարար Արազ Ազիմովը, այնուհետեւ Իլհամ Ալիեւը հրաժարվեց մասնակցել ¥Ստամբուլում կազմակերպված¤ «Քաղաքակրթությունների դաշինք» նախաձեռնության երկրորդ ֆորումի աշխատանքներին: Այսպիսով թուրք-ադրբեջանական երկկողմ հարաբերություններում ակնհայտ դարձավ սառնությունը:

Ըստ ադրբեջանական վերոհիշյալ թերթի` ապրիլի 16-ին երկօրյա այցով Մոսկվա ուղեւորվող Ադրբեջանի նախագահն այնտեղ փորձելու է աջակցություն գտնել ընդդեմ «Կովկասյան նոր ծրագրի», որն ԱՄՆ-ի միջնորդությամբ շրջանառության մեջ է դրել Թուրքիան:

2 responses so far

2 մեկնաբանություն

  1. Аrmenianգրել է 23 Ապրիլ 2009թ.-ին, ժամը 11:44

    Իշխանությունները չեն փոխվել, փոխվել են անունները, այս իշխանություններից ամեն ինչ սպասելի է: մեր երկրի պաշտոնական ներկայացուցիչները հանգիստ մոռանում են Արցախում ընկած իրենց մարտընկերներին: Եթե ներկայիս իշխանության որդեգրած քաղաքականությունը պաշտպանվի, որը միայն պարտվողական, զիջողական և դավաճանական է, ապա մի օր մեր պետությունը կկոչվի ոչ թե Հայաստանի Հանրապետություն, այլ քաղաք- պետություն` Երևան:

  2. Արտաշեսգրել է 02 Մայիս 2009թ.-ին, ժամը 10:21

    Ինձ հետաքրքրում է մի հարց. Արդյոք մենք մի օր համատարած կհավատանք այն “փաստին” որ Ադրբեջանն ու Թուրքիան մեր պատճառով վիճում են: Նման անմիտ ինֆորմացիան շեղում է մարդկանց գիտակցությունը իրականությունից: Ինձ կարող են քննադատել ասելով որ քաղաքականության և միջազգային հարաբերությւնների մեջ չկան մշտական գործընկերներ և/կամ թշնամիներ. փոխարենը կամ մշտական շահեր: Սակայն այդ քննադատողը/ները լինելու է/են քրիստոնյա և հայ, որը չի հասկացել ՄԱԿ-ի անվտանգության խորհրդում վերջերս Ադրբեջանի կողմից հանկարծակի սողոսկած փաստաթղթի տակ ստորագրողների ինքնությունը և իրական դրդապատճառները: