Հուն 19 2009

Պետքարտուղարության պաշտոնյաները պաշտպանում են պատմաբանների հանձնաժողով ստեղծելու Թուրքիայի առաջարկը

Տպել այս հոդվածը Տպել այս հոդվածը

«Ամերիկայի հայկական ազգային կոմիտե», 18 հունիսի 2009թ.
Աղբյուրը` Armenian National Committee of America

Ֆիլ Գորդոնը հաստատել է, որ այդ հանձնաժողովը Հայաստանի և Թուրքիայի միջև կնքված «Ճանապարհային քարտեզ»-ի մաս է կազմում

Վաշինգտոն. ԱՄՆ Պետքարտուղարի օգնական (Assistant Secretary of State) Ֆիլ Գորդոնն այսօր ասել է, որ Օբամայի վարչակազմը պաշտպանում է Հայաստանի և Թուրքիայի պատմաբաններից բաղկացած հանձնաժողով ստեղծելու նախաձեռնությունը։ Ինչպես հաղորդում է Ամերիկայի Հայկական Ազգային Կոմիտեն (ANCA), այս վիճահարույց առաջարկը վաղուց ի վեր առաջ է քաշում Թուրքիայի կառավարությունը` Հայոց Ցեղասպանությունը կասկածի տակ դնելու և մարդկության դեմ գործած հանցագործության համաշխարհային ճանաչման միջազգային գործընթացի առաջխաղացումը կասեցնելու նպատակով:

ԱՄՆ Ներկայացուցիչների Տան արտաքին հարաբերությունների հանձնաժողովի Եվրոպայի հարցերով ենթահանձնաժողովում ավելի վաղ կայացած լսումների ժամանակ Գորդոնը պատասխանել է հանձնաժողովի նախագահ Ռոբերտ Վեքսլերի (Դեմոկրատ կոնգրեսական Ֆլորիդա նահանգից) հարցին` թե ինչպե՞ս է պետքարտուղարությունը մտադիր «ուղղորդել Հայաստանի և Թուրքիայի միջև շփումների գործընթացը, որպեսզի Ադրբեջանը նույնպես հաղթող դուրս գա»: Ի պատասխան Ներկայացուցիչների Տան անդամներից Թուրքիայի բարեկամների խմբակի համանախագահի (Turkish Caucus Co-Chairman) այս հարցին՝ Գորդոնն իր աջակցությունն է հայտնել «ճանապարհային քարտեզ» անվամբ փաստաթղթին, որն ապրիլի 22-ին արժանացել էր Պետքարտուղարության հրապարակային հավանությանը և որտեղ հատկապես նշվում է այս համաձայնագրի շատ վիճահարույց, բազմիցս քննարկված, սակայն նախկինում երբեք պաշտոնապես չբացահայտված այն բաղադրիչը, որը նախատեսում է երկու ազգերի միջև պատմական դեպքերն ուսումնասիրող հանձնաժողովի ստեղծում:

Ահա Ֆիլ Գորդոնի մեկնաբանություններից մի հատված.
«Դուք ունեք երկու զուգահեռ, սակայն առանձին զարգացող գործընթացներ [Հայաստան-Թուրքիա երկխոսություն և Լեռնային Ղարաբաղի հակամարտության խաղաղ կարգավորման բանակցություններ]. Թուրքիայի և Հայաստանի հարաբերությունների բնականոնացում-հաշտեցումը, որ մեր կարծիքով` պատմական նշանակություն ունի, երբ այդ երկու երկրները համաձայնվել են հարաբերությունների կարգավորման սկզբունքների շուրջ, որոնք ներառում են սահմանի բացում, որը փակված է չափից դուրս երկար ժամանակ, դիվանագիտական հարաբերությունների հաստատում, ինչպես նաև առանցքային հարցերի, այդ թվում` պատմության շուրջ հանձնաժողովների ստեղծում։ Եվ մենք պաշտպանում ու աջակցում ենք այդ գործընթացը»:

Հայաստանի և Թուրքիայի պատմաբաններից բաղկացած հանձնաժողովի ստեղծումը` միջոց, որով Թուրքիան երկար ժամանակ փորձում է կասկածի ենթարկել Հայոց Ցեղասպանության անհերքելի պատմական փաստը, ակնհայտ հակադրության մեջ է նախընտրական քարոզարշավի ընթացքում նախագահ Օբամայի արած հայտարարությունների հետ: 2008 թվականի ընթացքում տարբեր առիթներով, ներառյալ նոյեմբերյան ընտրությանն անմիջապես նախորդող օրերը, նա ընդգծել է իր «հաստատուն համոզմունքն առ այն, որ Հայոց Ցեղասպանությունն անհիմն պնդում, անձնական կարծիք կամ տեսակետ չէ, այլ` պատմական ծավալուն վկայություններով հաստատված փաստ: Փաստերն անհերքելի են»: Պատմաբանների հանձնաժողովի գաղափարը` որպես ժխտողական մարտավարություն, մերժել են գրեթե բոլորը, ներառյալ Ցեղասպանագետների Միջազգային Ընկերակցությունը:

4 responses so far

4 մեկնաբանություն

  1. Edmonգրել է 21 Հունիս 2009թ.-ին, ժամը 07:02

    Ինչպիսի ցինիզմի և դեբիլիզմի են մեզ ուզում հասցնել.
    Ինչ պատմաբաներ մեր և ոտար հազարավոր ազնիվ պատմաբաների արածը ոչինչ է հիմա նորից պատմաբաներ…
    Միթէ Կամբոջաում պատմաբաներ պահանջվեցին՞.
    Թե հայանուն և օտար ծախու արարածները մտածում են մեր նախնիների հոգիները իրենց հանգիստ են տալու.Նրանք ձեզ վրեժ են պատգամել իսկ դուք ինչ, որ ցնդաբանությամբ ծաղրում եք նրանց.

  2. zakգրել է 22 Հունիս 2009թ.-ին, ժամը 21:31

    Հլը ցնդաբանությունը մեղմ ա ասվաձ,դա ուղղակի ՔԱՂԱՔԱԿԱՆ ԼԱՁԻՐԱԿՈՒԹՅՈՒՆ է: Մեր էս վիճակի համար մենք ենք պատասխանատու ու ոչ մեկը: Այ այսպես են մեր հերն անիծել ու զցել ծուղակը,հետո էլ թուրք,պարսիկ,արաբ ու մոնղոլ…Նրանք կարգին էլ ազգ են,չէ մեզ նման… Ինչնե՞րս ա ըտենց ունիկալ, որ ԿՅԱՆՔՈՒՄ ԱՌԱՋԻ ԱՆԳԱՄ ՀԱՂԹԵԼ ԵՆՔ ՈՒ ՉԵՆՔ ՎԱՅԵԼՈՒ՞Մ,ԹԵ՞ ՈՎ ՏԵՂԻՑ ԵԼՆՈՒՄ Ա ՎՐԵՔՆԵՐՍ ՄԱՏ Ա ԹԱՓ ՏԱԼԻՍ ՈՒ ՄԵՆՔ ՌԵԱԿՑԻԱ ՉԵՆՔ ՏԱԼԻ՞Ս…Դե հիմա հլը թող կռիվն սկսի ու Հայաստանը չոգնի,տեսնենք հլը էս «ԲԱԶԵՆԵՐԸ» ի՞նչ պիտի անեն,չէ՞ որ իրանք հերոս Հայեր են,մնացածն էլ հեչ…

  3. Gorգրել է 22 Հուլիս 2009թ.-ին, ժամը 14:00

    Vorovhetev menk der petananutian zgatsum chunenk. Menk der MERI zgatsumy chenk gnahatum.Tery-ishkhoghy mez mish piiti asi te “struky” inch piti ani kam zga.

    Amen tegh karutsel enk, batsi Hayastanum. U heto kshel en mez-mnatsel enk arans vochnchi u datark dzerkerov ekel enk Hayastan.

    Bolor Evropayi erkrnery nationalist mernum en.Menk, Hayers, piti tkats unenank bolori kartsiki ev asatsneri vra.

    Menk mez hamar, mer mijotsov u MER achkum MEZ lav tesnelu hamar-sa e mer MIAK CHANAPARHY.

    lav kayk/news over Armenia: http://www.groong.com/Armenian News Network-Groong.

  4. ekebpbnizգրել է 30 Հունվար 2012թ.-ին, ժամը 20:11

    cwteh…

    svotzalid crqip xkonwua qxod wrbukiyqymfgvfd…