Հաբեր27քոմ (Haber27com)
26 ապրիլի 2008թ.

Սևծովյան տնտեսական համագործակցության խորհրդարանական վեհաժողովի (PABSEC) թուրք անդամը շաբաթ օրն ասել է, որ Հայաստանի ժողովուրդը և ղեկավարները գիտեն, որ սփյուռքը վնասում է իրենց:

Էյուփ Ֆաթսան, Օրդուի հյուսիսային նահանգի պատգամավորը և PABSEC-ի թուրքական խմբի անդամը, Անաթոլիան Էյջընսի-ի (Anatolian Agency)հետ խոսել է «Ահաբեկչություն» խորագրով PABSEC –ի քաղաքական հանձնաժողովի նիստին մասնակցնելու նպատակով ապրիլի 16-18-ը Երևան կատարած այցի մասին:

«Ես անհանգստանում էի, որ հայերը կհիշատակեն 1915թ.-ի դեպքերը և լարվածություն կառաջացնեն ահաբեկչության թեմայի շուրջ: Սակայն հայերը ջերմ հյուրընկալություն և անկեղծ վերաբերմունք ցուցաբերեցին: Նրանք չբարձրացրին հարցեր, որոնցով մտահոգված էինք», – ասել է Ֆաթսան:

«Մեզ հյուրընկալող հայ պատգամավորները մեզ տարան շրջայցի: Մենք մասնակցեցինք PABSEC-ի հայկական խմբի նախագահի և Հայաստանի խորհրդարանի խոսնակի տեղակալի ընդունելությամբ ճաշերի և ընթրիքների», – ասել է Ֆաթսան:

«Ես հայերին տեղեկացրի, որ Թուրքիայի և Հայաստանի միջև որոշ խնդիրներ են առկա: Երկու երկրները շատ մոտ են իրար: Երևանի և Թուրքիայի Իգդիր նահանգի միջև հեռավորությունն ընդամենը 27 կմ է: Մենք պետք է քաղաքական լուծումներ գտնենք քաղաքական հարցերի համար, իսկ պատմական խնդիրները թողնենք պատմաբաններին», – նշել է Փաթսան:

«Հայաստանի քաղաքական գործիչները խնդրում են բացել Թուրքիայի հետ սահմանային դարպասը»,- ասում է Ֆաթսան:

«Չնայած բոլոր խնդիրներին` Թուրքիայի և Հայաստանի միջև առևտրի ծավալը հասել է 180 մլն. ԱՄՆ դոլարի»,- ասում է Ֆաթսան:

«Հայ ժողովուրդը և քաղաքական գործիչները նշում են, որ Հայաստանի և Թուրքիայի միջև հարաբերությունների զարգացումը Հայաստանի օգտին են», -ասում է Փաթսան: