«Կավկազսկի ուզել», 18 հունիսի 2008թ.
Աղբյուրը` (Кавказский узел)
Ահմեդ Մահոմեդով (Ахмед Магомедов)

Այսօր ավարների ազգային խորհրդի գործադիր կոմիտեն բաց նամակով դիմել է Դաղստանի նախագահ Մուխու Ալիևին: Մուհամեդ Հուսեյնովը` կոմիտեի ակտիվիստներից մեկը, նշել է, որ նամակում շեշտը դրվում է Ադրբեջանում ապրող ավարների կացության վրա: Հուսեյնովի կարծիքով, այսօր խոսք կարող է լինել ավարների բարոյական և ֆիզիկական բնաջնջման մասին:

Շարունակությունը

«Դի Օբզրվր», հունիսի 15 2008թ.
Աղբյուրը` guardian co.uk
«Դի Օբզրվր» (The Observer)
Մարկ Հադոն (Mark Huddon)

«Արարատ» ՌԿ-ի մեկնաբանությունը

Ծանոթացեք Սերգեյի հետ: Նա բժիշկ է: Նա նաև ապաստան հայցող է և հարկադրված է գոյատևել շաբաթական 35 ֆունտ արժողությամբ «ԱՍԴԱ» (ASDA) կտրոններով: Մրցանակակիր գրող Մարկ Հադոնը բացահայտում է, թե ինչ սարսափելի է Միացյալ Թագավորությունում այսօր փախստական լինելը:

Շարունակությունը

«Թդեյզ Զաման», 5 հունիսի 2008թ.
Աղբյուրը` (Today’s Zaman)

Տորոնտոյի շրջանային դպրոցական խորհուրդը հավանություն է տվել Օսմանյան կայսրության վերջին տարիներին հայերի, այսպես կոչված, ցեղասպանությունը որպես ոչ պարտադիր դասընթաց ուսումնասիրելուն, հաղորդում է «Անատոլիա» լրատվական գործակալությունը:
Շարունակությունը

«Շպիգել», 6 հունիսի 2008թ.
Աղբյուրը` (Der Spiegel)
Ֆերդա Աթաման և Յուրգեն Գոթշլիխ (Ferda Ataman and Jürgen Gottschlich)

Թուրքիայի բարձրագույն դատարանը հինգշաբթի օրն Անկարայում կայացրեց վճիռ, որով համալսարաններում գլխաշոր կրելու արգելքը մեղմացնելու մասին Էրդողանի կառավարության ընդունած օրենքը ճանաչեց հակասահմանադրական: Այս վճիռը նախանշան է լուրջ հակամարտության, որը հավանաբար ի հայտ կգա մոտակա ամիսներին Էրդողանի` իսլամիստական «Արդարություն և զարգացում» կուսակցության (ԱԶԿ` AKP) և երկրի աշխարհիկ ուժերի միջև` ի դեմս հզոր բանակի:

Շարունակությունը

«Գարդիան», 7 հունիսի 2008թ.
Աղբյուրը` (guardian.co.uk)
Ալեքսանդրոս Պետերսեն (Alexandros Petersen)

«Արարատ» ՌԿ-ի մեկնաբանությունը

Հայաստանն ու Ադրբեջանը փորձում են վերջ դնել Լեռնային Ղարաբաղի հակամարտության փակուղային իրավիճակին, և ԵՄ-ն պետք է օգնի նրանց

Հայաստանի և Ադրբեջանի նախագահները հանդիպելու են Սանկտ Պետերբուրգում` Հարավային Կովկասում երկու տասնամյակ շարունակվող Լեռնային Ղարաբաղի հակամարտության շուրջ քննարկումների համար: Խորհրդային Միության փլուզման ընթացքում սկսված ծանր պատերազմից հետո հայկական զինված ուժերը գրավեցին Ադրբեջանի տարածքում գտնվող այս լեռնային շրջանը` այդտեղ բնակվող էթնիկ հայերին պաշտպանելու մտադրությամբ:

Շարունակությունը

«Յենի Մուսավաթ», 8 հունիսի 2008թ.
Աղբյուրը` (Yeni Musavat)

Ռուսերեն տարբերակը

Թուրքիայից եկող քուրդ ընտանիքները գնում են տեղացիների տները

Բազմիցս տեղեկացրել ենք Նախիջևանում ՔԲԿ-ի (Քրդական բանվորական կուսակցություն) աջակիցների գործունեության, այս ինքնավար հանրապետության համալսարաններում նրանց ինքնակառավարման, Քուրդիստանի չճանաչված պետության խորհրդանիշների և դրոշների տարածման, տեղացիների վրա բռնանալու ու նրանց վտարելու և առևտրի կետերը ՔԲԿ-ի համակիրներին հանձնելու մասին: Մյուս թերթերը նույնպես ահազանգել են այս խնդրի կապակցությամբ: Իրավիճակը ծայր աստիճան սրվել է: Ադրբեջանի մի շարք պաշտոնյաներ սկսել են խոսել այն մասին, որ ՔԲԿ-ն սպառնալիք է երկրի համար: Արտգործնախարարության մամուլի քարտուղար Խազար Իբրահիմն անցած շաբաթ նման հայտարարությամբ հանդես եկավ:

Շարունակությունը

«Ասոշիեյթիդ պրես», 8 հունիսի 2008թ.
Աղբյուրը` (Associated Press)
Մարիա Դանիլովա (Maria Danilova)

Ի՞նչը կարող է ստիպել երիտասարդ ընտանիքին թողնել հարմարավետ կյանքը և գնալ մի աղքատ երկիր, ուր շուրջօրյա ջրամատակարարումը շատերի համար դեռ շքեղություն է, քաղաքական խառնաշփոթ է, իսկ պատերազմի սպառնալիքը՝ բավականին լուրջ:

41-ամյա Ալին Մասրլյանի, նրա ամուսնու` Գևորգ Սարյանի, և նրանց երկու երեխաների համար դա հայրենիքի կանչն էր: «Սեփական երկրում ապրելը մի այլ բան է», – ասում է Մասրլյանը, որն այստեղ է տեղափոխվել` չնայած նրան, որ իր ընտանիքը սերնդեսերունդ ապրել է Սիրիայում:

Շարունակությունը

«Սան Ֆրանցիսկո Քրոնիքլ», 15 մայիսի 2008թ.
Աղբյուրը` (San Francisco Cronicle)
Բոբ Էգելկո (Bob Egelko)

«Արարատ» ՌԿ-ի մեկնաբանությունը (1)
«Արարատ» ՌԿ-ի մեկնաբանությունը (2) (անգլերեն / in English)

Երբ Սվետլանա Գրիգորյանը ներկայացնում էր իր հայցը Միացյալ Նահանգներում քաղաքական ապաստան ստանալու համար, նա թարգմանչի միջոցով վկայություն էր տվել, որ 1995թ. իր հայրենիքում՝ Հայաստանում մարդկանց մի խումբ հարձակվել է իր ընտանիքի վրա, ծանր վիրավորել իրեն և սպանել իր 13-ամյա որդուն` «որովհետև իմ մայրը խոհարար էր» (( Անգլերեն` cook («քուք») («Արարատ» ՌԿ-ի կողմից) )):

Համենայն դեպս, այսպես էր գրված 2003թ.-ի` գործի լսման սղագրությունում, որի հիման վրա ներգաղթի հարցերով դատարաններն ու դաշնային վճռաբեկ դատարանը վճռել են, որ Գիգորյանը չի կարողացել ապացուցել, որ հետապնդման զոհ է եղել:

Շարունակությունը

«Ֆրեզնո բի», 2 հունիսի 2008թ.
Աղբյուրը` (Fresno Bee)
Վանեսա Կոլոն (Vanessa Colón)

Կոնգրեսականը, շահերի պաշտպանության հայկական կազմակերպությունը և դասընկերներն արձագանքում են լավագույն շրջանավարտի դժվարին կացությանը

«Արարատ» ՌԿ-ի մեկնաբանությունը

Բուլարդ ավագ դպրոցի լավագույն շրջանավարտ Արթուր Մկոյանը (Arthur Mkoyan), որը կարող է երկրից վտարվել մինչ քոլեջում սովորելու իր երազանքին հասնելը, երկուշաբթի օրը աջակցություն ստացավ այս երկրում մնալու իր ջանքերին:

Մկոյանը, որի պատմությանն անդրադարձել է «Ֆրեզնո բի»-ն իր երկուշաբթի օրվա համարում, անհապաղ աջակցություն է ստացել շահերի պաշտպանության մի հայկական կազմակերպությունից և Բուլարդ ավագ դպրոցի իր դասընկերներից, իսկ կոնգրեսական Ջորջ Ռադանովիչը խոստացել է վերանայել նրա խնդրանքը:

Շարունակությունը

«Անալիտիկա», 28 մայիսի 2008թ.
Աղբյուրը` (ANALITIKA.at.ua)
Մարատ Հակոբյան (Марат Акопян)

Միրոսլավ Պոպովիչն ուկրաինացի ականավոր գիտնական է, Գ. Ս. Սկովորոդայի անվան փիլիսոփայության ինստիտուտի տնօրեն, Ուկրաինայի գիտությունների ակադեմիայի ակադեմիկոս, «Фiлософська думка» ամսագրի գլխավոր խմբագիր: Նա ուկրաինական մտավորականության այն սակավաթիվ ներկայացուցիչներից է, որն իր գրքերում գրել է ճշմարտությունը հայոց ցեղասպանության մասին: Ուստի զարմանալի չէ, որ մենք որոշեցինք նրա հետ զրուցել արդի հայ-ուկրաինական հարաբերությունների մասին:

Շարունակությունը

«Շպիգել», 7 մայիսի 2008թ.
Աղբյուրը` (Der Spiegel)
Դանիել Սթայնվորթը (Daniel Steinvorth)` Ստամբուլից

Թուրքիայում մայիսյան խռովությունների ակտիվացումից հետո, Ստամբուլում իշխանության համար պայքարի մեջ է մտել ևս մեկ խումբ: Աշխարհիկ պետության կողմնակից քեմալականներից և պահպանողական մահմեդականներից բացի, այժմ իրենց ձայնը լսելի են դարձնում նաև աշխատավորները և ձախերը:

Շարունակությունը

«Ռիլիջս ինթելիջնս», Միացյալ Թագավորություն, 7 մայիսի 2008թ.

Աղբյուրը` (Religious Intelligence)

Ջորջ Քոնգեր (George Conger)

«Արարատ» ՌԿ-ի մեկնաբանությունները

Հռոմի կաթոլիկ առաջնորդները կսատարեն Գերմանիայում մզկիթի կառուցմանը, եթե Թուրքիայի կառավարությունը Տարսուսի սբ. Պողոս եկեղեցին վերադարձնի եկեղեցու վերահսկողության տակ և թույլատրի ուխտագնացության կենտրոն կառուցել:

Շարունակությունը

«Գլոբըլ փոլիթիշըն» (( «Գլոբլ փոլիթիշն»-ը միջազգային քաղաքական հարցեր լուսաբանող էլեկտրոնային ամսագիր է` հիմնված Նյու Յորքում, ԱՄՆ: Վերջին շրջանում զգալիորեն աճել է ամսագրի հեղինակությունն ու ընթերցումը. կայքի այցելուների թիվը հասնում է ամսական 100.000-ի: («Արարատ» ՌԿ-ի կողմից), )) 11 մայիսի 2008թ.
Աղբյուրը` (Globalpolitician.com)
Աբդուլ Ռուֆ (Abdul Ruff)

«Արարատ» ՌԿ-ի մեկնաբանությունը

Ծնող կամ գաղութատեր ուժերի կողմից անցյալում բռնակցման ենթարկված ազգերի ազատության և անկախության ձգտումը և դրա համար պայքարը ժամանակակից քաղաքակրթության կանոն է դարձել, և գլոբալիզացիան այսօր խթանում է իմաստավորված կերպով անկախություն ձեռք բերելու այս դրական գործընթացը: Թեև օկուպացնող ուժերը դիմադրում են իրենց «ենթակաների» կողմից ներկայացվող ազատության հայտերին, շատ երկրներ աջակցում են այս շարժմանը: Շատ ազգեր արդեն ձեռք են բերել անկախություն, սակայն մյուսները դեռ պայքարում են ազատության համար: Եվ վաղ թե ուշ, պատմության բնականոն ընթացքի արդյունքում, նրանց օրինական պահանջները նույնպես կբավարարվեն: Վերջերս Կոսովոն հռչակեց իր անկախությունը Սերբիայից` Հարավսլավիայի իրավահաջորդ պետությունից, որը Խորհրդային Միության կողմից ղեկավարվող Վարշավայի պայմանագրի կազմակերպության փլուզումից հետո մի քանի փոքր պետությունների մասնատվեց:

Շարունակությունը

«Դիսիդընթ Վոյս», Կալիֆոռնիա, 7 մայիսի 2008թ.
Աղբյուրը` (www.dissidentvoice.org)
Էրիկ Ուոլբերգ (Eric Walberg)

Թեև վրացիներն իրենց Եվրոպայի մաս են համարում, «ամբողջ վրաց պատմությունը վկայում է, որ վրաց թագավորներն Արևմուտքի թագավորներին դիմել են օգնություն ստանալու կամ փոխադարձ համաձայնություն ձեռք բերելու համար, բայց երբեմն անգամ պատասխան չեն ստացել»,- վերջերս մի հարցազրույցի ժամանակ նկատել է Վրաստանի ամբողջովին արևմտամետ դարձած նախագահ Միխայիլ Սահակաշվիլին: «Լինել ոչ թե մեկուսացած, հեռավոր երկիր, այլ ինչ-որ մեծ ամբողջի մաս կազմել», – ասել է նա:

Շարունակությունը

«Յուրեժիանեթ.օրգ», 27 մայիսի 2008թ.
Աղբյուրը` (Eurasianet.org)
Սթիվեն Բլանկ (Stephen Blank)
«Յուրեժիանեթ»-ի մեկնաբանությունը

«Արարատ» ՌԿ-ի մեկնաբանությունը

Նույն թեմայով նախորդ մեկնաբանությունը

Քրդական հարցը, մասնավորապես, քրդերի համար հայրենիք ստեղծելու խնդիրը, խոչընդոտում է Իրաքում իրավիճակը կայունացնելու ջանքերին: Այժմ էլ միջազգային փորձագետների շրջանում աճում է անհանգստությունն առ այն, որ քրդական հարցը կարող է լարվածության և, հավանաբար, հակամարտության աղբյուր դառնալ Հարավային Կովկասում:

Շարունակությունը

«Լոս Անջելես թայմս», 24 ապրիլի, 2008թ.

Աղբյուրը` (Los Angeles Times)
Կարին Հովհաննիսյան (Garin Hovhannisyan)

Ցեղասպանության տարելիցին հիշե’ք, որ թուրքերի իրականացրած հայերի կոտորածը նաև հայրենիք է ոչնչացրել:

Այսօր մենք նշում ենք Հայոց Ցեղասպանության 93-ամյակը: Անշուք թիվ է 93-ը: Այն լավ թիվ է մոռանալու կամ էլ սպառելու համար հին փաստարկները, հին զուգահեռները և Հիտլերից այն հայտնի մեջբերումը, թե` «Ո՞վ է հիմա հիշում հայերին», երբ նա մտորում էր, թե ինչպես իր իրականացրած հոլոքոսթի տակից դուրս գա:

Շարունակությունը

«Թըդեյ.Ազ», 16 մայիսի 2008թ.

Աղբյուրը` (Today.Az)

«Day.az»-ի թղթակցի խնդրանքով Ադրբեջանի փոխարտգործնախարար Արազ Ազիմովն իր տեսակետն է արտահայտել Հայաստանի արտգործնախարար Էդվարդ Նալբանդյանի` հայ-ադրբեջանական հակամարտության կարգավորման հարցում Ադրբեջանի սկզբունքային դիրքորոշման վերաբերյալ մեկնաբանությունների առնչությամբ:

Շարունակությունը

«Էկոնոմիստ», 22 մայիսի 2008թ.
Աղբյուրը` (The Economist)

«Արարատ» ՌԿ-ի մեկնաբանությունը

Փետրվարյան մի ցուրտ առավոտ մի խումբ հայեր ու թուրքեր հավաքվել էին Կարսի մի հյուրանոցում` թուրքական հետախուզության հսկողության ներքո: Մայիսի 14-ին նրանց գաղտնիքը` մի հսկայական պանրի գլուխ, բացահայտվեց Գյումրիում, փակ սահմանի մոտ, Հայաստանում: «Կովկասյան պանիր» անունով այդ դեղին գունդը խորհրդանշում է հաշտեցում Թուրքիայի և Հայաստանի միջև և ողջ Կովկասում:

Շարունակությունը

«Կալիֆոռնիա Կուրիեր», 8 մայիսի, 2008թ.
Աղբյուրը` (The California Courier)
Հարութ Սասունյան (Harut Sassounian)

«Արարատ» ՌԿ-ի մեկնաբանությունը

Թուրքական կառավարությունն ամբողջ աշխարհը տակնուվրա է անում` փորձելով իր տեղն ապահովել ՄԱԿ-ի Անվտանգության խորհրդում: Անկարան գործի է դրել բոլոր անպատշաճ միջոցները, օրինակ՝ երրորդ աշխարհի պետություններին կաշառելը` նրանց քվեն շահելու նպատակով:

Թուրքիայի այս խարդախությունները բացահայտել է «Ջեյմսթաուն Ֆաունդեյշն» հիմնադրամի կողմից հրապարակվող «Եվրասիա Դեյլի Մոնիթորը»:

Շարունակությունը

«Ռեֆերանս» օրաթերթ, 15 մայիսի, 2008 թ.
Աղբյուրը` (www.referansgazetesi.com)
Այդըն Սեզեր

«Արարատ» ՌԿ-ի մեկնաբանությունները

2007թ. սկզբին տեսանք, որ մեր երկիրը թևակոխել է հարևանների հետ խնդիրները ոչ թե «զրոյի հավասարեցնելու», այլ դրանք «շատ խնդրահարույց» դարձնելու փուլ : Արևմուտքում Եվրամիությանն անդամակցելու գործընթացի` Կիպրոսի հարցով պայմանավորված արգելափակման, հարավ-արևելյան շրջաններում ահաբեկչության և այլ երկրների խորհրդարաններում այսպես կոչված ցեղասպանության ճանաչման պես հիմնարար խնդիրները մեզ ներքաշում են շատ վտանգավոր ընթացքի մեջ: Հարևանների հետ հարաբերությունների զարգացման ռազմավարությունը, հակառակ դրա հաջող իրականացման պնդումներին, պատին է բախվել բառիս բուն իմաստով: Սակայն չենք կարող անտեսել, որ այս խնդիրներն անմիջականորեն բխում են ԱՄՆ-ի և ԵՄ-ի հետ մեր հարաբերությունների «որակից»: Հիմա արդեն միանգամայն ակնհայտ է դարձել, որ հարևանների նկատմամբ որդեգրած քաղաքականությունն անհնար է իրականացնել ԱՄՆ-ի և ԵՄ-ի կամքին հակառակ:

Շարունակությունը

«Քըրդիշ Գլոբ», Էրբիլ, Իրաք, 14 մայիսի, 2008
Աղբյուրը` (Kurdish Globe)

Խիդր Դոմլ (Khidhr Domle)

Կրոնական ծայրահեղականության վախը ընկճում է հայերին:

Որպես էթնիկ փոքրամասնություն հայերը Իրաքում այլևս չեն ցանկանում իրենց դուստրերին դպրոց ուղարկել, քանի որ նրանց վերստին տիրել է կենաց վախը:

Նարսիկ Ղարիբը հիշում է Թուրքիայի իրականացրած հայերի կոտորածը. նա տագնապի մեջ է, որովհետև Իրաքում մոլոգնում է կրոնական ծայրահեղականությունը, իսկ Թուրքիան Քրդստանի մարզում ռազմական գործողություններ է սանձազերծում:

Շարունակությունը

Եվրասիական ռազմավարական հետազոտությունների կենտրոն
Հայկական ուսումնասիրությունների ինստիտուտ
«Ամենօրյա բյուլետեն», 13 մայիսի, 2008
Աղբյուրը` (www.eraren.org)
Մեկնաբանությունը՝ Օյա Էրենի

«Արարատ» ՌԿ-ի մեկնաբանությունը

2008 թ. մայիսի 6-ին Ադրբեջանի արտգործնախարար Էլմար Մամեդյարովն ու Հայաստանի արտգործնախարար Էդվարդ Նալբանդյանը ԵԱՀԿ Մինսկի խմբի համանախագահների ներկայությամբ հանդիպեցին Ստրասբուրգում:

Շարունակությունը

«Ենի շաֆաք» օրաթերթ, 14 մայիսի, 2008

Աղբյուրը` (Yeni Safak)
Իբրահիմ Կարագյուլ

«Արարատ» ՌԿ-ի մեկնաբանությունը

Լիբանանում ԱՄՆ-ը ձգտում է չեզոքացնել «Հզբոլլահին»: Իրանը պատերազմում է PKK-ի իրանական թեւը հանդիսացող PJAK-ի դեմ: ԱՄՆ-ն աջակցում է PJAK-ին եւ այն ծառայեցնում Իրանի ապակայունացման նպատակին: Իրանը «Հզբոլլահի» միջոցով ԱՄՆ-ի դեմ կռիվներ է մղում Լիբանանում: PKK-ի չեզոքացման համար` ինչպես ԱՄՆ-ի ու Իսրայելի, այնպես էլ Իրանի եւ Սիրիայի հետ համագործակցող Թուրքիան աջակցում է ե՛ւ «Հզբոլլահի», ե՛ւ PJAK-ի դեմ մղվող պայքարին: PKK-ի դեմ պայքարում Թուրքիան սերտորեն համագործակցում է ԱՄՆ-ի և Իսրայելի, Իրանի ու Սիրիայի հետ, որոնք էլ իրենց հերթին քրդական այս կազմակերպությունների միջոցով միմյանց են շոշափում, այդպիսով էլ տարածաշրջանային պատերազմով հղի վտանգավոր խաղեր խաղում:

Շարունակությունը

«Յուրեյժիա դեյլի մոնիթոր», 9 մայիսի , 2008
Աղբյուրը` (Eurasia Daily Monitor)
Ջոն Ս.Կ. Դալի (John C. K. Daly)

«Արարատ» ՌԿ-ի մեկնաբանությունը

1991թվականի դեկտեմբերին Խորհրդային Միության փլուզումից ի վեր չլուծված «սառեցված հակամարտություններից» ամենաապշեցուցիչը թերևս 1988-1994թթ. Լեռնային Ղարաբաղի համար Հայաստանի և Ադրբեջանի միջև հակամարտությունն է, որի հետևանքով Հայաստանի տնտեսությունը ցայսօր կաղում է, մինչդեռ Ադրբեջանը լող է տալիս նավթի արտահանման եկամուտների մակընթացային ալիքի վրա` ապահովելով թռիչքային աճ:

Շարունակությունը

Քաղված է ԱՄՆ Ներկայացուցիչների տան անդամ Ջիմ Կոստայի պաշտոնական կայքէջից
8 մայիսի, 2008թ.
Աղբյուրը` (www.costa.house.gov)

Հետևյալ տեղեկատվությունը տարածել է Կալիֆոռնիայի ներկայացուցիչ Ջիմ Կոստայի գրասենյակը:

Այսօր կոնգրեսական Ջիմ Կոստան (Ֆրեզնո) նամակ է ուղարկել Հայաստանի Հանրապետությունում ԱՄՆ դեսպան առաջադրված Մարի Լ. Յովանովիչին: Նամակում Կոստան խնդրում է դեսպանին պարզաբանել, թե ինչ է վերջինս մտածում 1915-1923թթ. Թուրքիայում տեղի ունեցած դեպքերի մասին:

Շարունակությունը